أصحاب العروسة قدموا نفسهم للعريس وكانت المفاجأة قوية للعروسة - فيديو
أحلى سبع بنات صديقات العروسة قدمن أنفسهن للعريس بنت بنت ليتعرف علي اسمائهن وكانت المفاجئة قوية أبهرت الجميع حيث قدمن لصديقتهن أغنية تحكى أسرارهن معها فى أغنية و ذكرياتهن الجميلة لتكن أجمل فقرة فى حفل الزفاف
كلمات الأغنية انتاج شركة ويدنج تون والفيديو بالأسفل
هنبدأ الحكاية كله يسمع من سكات
اللى هيتقال الليلة كوم تانى غير اللي فات
ماهى فرحة نهله الليله
ناويين نعمل هليله
مش هيكون فى تانى سيرة غير عن احلى سبع بنات
...
هقول ياعم وسجل عندك اسم "جيلان" خلينا
نرجع ورا حبه وافكر "نهله" واوصيها تسأل فينا
مانا خايفه يانونه بعدما تروحى لبيتك تنسينا
قالوا هيجوزوها ومعاه هيسفروها
دى بلدنا احسن من غيرها .. من شلتها هياخدوها
جت ولوحدها والبلد التانية دى خاصموها وقاطعوها "قطر"
انا شيمو يا نهله دى حاجه مش سهله اكون يوم مش لاقياكى
مش هشبع منك فيس ولا واتس انا عايزة افضل وياكى
خوفنا زمان من بعض ودلوقتى مابرتحش اللا معاكى
..
انا راشقه فـ اى مناسبة .. انا "داليا" قاموس ومحاسبه
من غيري القعدة ماتحلى .. ولا يبقالها في يوم لازمة
ضحك وفرفشة مع "نهله" ونركب عجله ونعمل أزمة
بعد اما هتتجوزى ع العجلة ده وضع اليد اساسي
هتكون من ممتلكاتى ياروحى واعتبريها ميراثي
..
وسّع وصلت فطومه اسمع للقصه الجاية
فاكره يانهله المعلومه اشرح وتطلعى فى عنيا
كنتى يااستاذة بتقولى لماذا ياما كتير غلبتينى
وفـ درس "الإنحراف المعياري" ده انتى دوشتينى
ولحد خطوبتك وجوازك كعب داير لففتينى
والفستان قصريهولى والميكاب ظبطيهولى !!
مش عارفه فى ايه اعمليهولى !!. وكمان ايه اختاريهولى !!
علشان انا بس بحبك كل اللى فـ نفسك قوليهولى
..
ياللى بتسأل انا مين ؟؟
انا بقي لاميا الأنتيم
ومع ذلك خلف خلاف !! ابدا مش متفقين
يلا هتفلتى من ايدي وهتخرجى عن سيطرتى .. والشلة دى هتزيد Lady
بعدك اه يانا ياخسارتى
..
وسكاشن ومحاضرات كل شيتاتها من اختصاصاتى
انا بقي دينا ياحضرات ياما ذليت الشلة يوماتى
نهله كانت بتشد ف شعرها وبتتغاظ من حركاتى
...
جينا لآخر الحدوته مليون مبروك ياعروسه ..
احدفى يلا لـ "سوكه" البوكيه ومعاه بوسه ..
من بدرى انا مستنيه .. الاقيه واقع فـ اديا ..
يمكن بعدها تلاقونى .. فى الكوشه وتباركم ليا
ربنا يسعدها وادعوا معايا قريب تفرحوا فيا
مشاهدة الفيديو مباشرة الآن
للتواصل فون او واتساب 01007901524
ليست هناك تعليقات :